Lyrics of As-asug Dagiti Kararua - Ilocano Folk Songs

Lyrics of As-asug Dagiti Kararua - Ilocano Folk Songs

As-asug Dagiti Kararua

Ilocano Folk Song 

Lyrics

O inami nga bumalay,

Agriingkay nga agmurmuray

Siak ita di kararua

Di minatayyo nga immununa

Addaak ti arubayan

Nga arsadanan ti agdan

Agdan nga inulogan

Idi ipandak idiay simbaan.

Ket idi indak impisok

Di abot inkay kinotkot

Luayo di agarubos

Ket sangityo ti di mabubos.

Ket idi indak gaburan

Luayo di agarubayan,

Sangityo ti di mabubusan,

Ket bangkayko ti inkay gawidan.

Ket idi indak panawan

Kamposanto nga kalawaan,

Leddaangyo ti napalaluan,

Adu nga lua di agpatinggan.

Ket idi inkay nakasangpet

Balay nagpaiduma't ngayed

Timekyo awan ti mangmangngeg

No di ti adu nga saibbek.

Nadanon ti ikakasiam,

Idi kuan ti ibubulan,

Pinagtawen di napuotan,

Sa lagipyo kaniak inaw-awan

Kasta la ti kasasaad

Ti aglak-am adu nga rigat.

Leddaang kas di malasat,

Ngem ti Apo't mangted supapak.

Feel free to share Pinoy Lyrics Tambayan to everyone who is looking for accurate and reliable song lyrics.